13 ივნისს დაბა ბაკურიანის კინოთეატრში გაიმართა ღონისძება
13 ივნისს სსიპ “ბაკურიანის განვითარების სააგენტოს” თავმჯდომარე, ქალბატონი ეკატერინე ორჯონიკიძე, დაესწრო ა(ა)იპ სკოლამდელი აღზრდის დაწესებულებების გაერთიანება „ბორჯომის ჯანმრთელი მომავალი“-ს ბაკურიანის საბავშვო ბაღის დამამთავრებელი ჯგუფისა და სსიპ ბორჯომის მუნიციპალიტეტის ანდეზიტის საჯარო სკოლის IV კლასის გამოსაშვებ ღონისძიებებს.
ქალბატონმა ეკატერინემ ბავშვებს საჩუქრად წიგნები გადასცა, როგორც ცოდნისა და შემეცნებისკენ მიმართული გზის სიმბოლო. უსურვა მათ შეუპოვრობა, მოტივაცია და ინტერესით სავსე დამოკიდებულება შემდგომი სწავლებისა და თვითგანვითარების გზაზე. ასევე, მოუწოდა, რომ არასდროს შეწყვიტონ ცოდნის ძიება და ახალი გამოცდილების მიღებისკენ სწრაფვა, ვინაიდან სწორედ ეს თვისებები განაპირობებს მათ წარმატებას მომავალში.მადლობა გადაუხადა პედაგოგებს ბავშვების განათლებასა და აღზრდაში გაწეული დაუღალავი შრომისთვის და ხაზგასმით აღნიშნა, რომ სკოლამდელი და საწყისი საფეხურის განათლება თითოეული ბავშვის მომავლის მყარ საძირკველს ქმნის.
